Elit Chempionlar ligasi 2-turida "Nasaf" "Al-Hilol"ni qabul qildi va 2:3 hisobida mag‘lub bo‘ldi.
21-daqiqada Sergey Milinkovich-Savich Abduvohid Ne’matovning qo‘pol xatosidan so‘ng hisobni ochdi. 26-daqiqada Sardor Bahromov dahshatli zarbasi bilan muvozanatni tikladi. 45+2-daqiqada Teo Ernandes "ajdarlar"ning 6 nafar futbolchisini aldab o‘tib, gol urdi va yana Saudiya klubini oldinga olib chiqdi. 60-daqiqada Javohir Sidiqov Umar Eshmurodovning ajoyib uzatmasidan so‘ng darvozabon bilan yakkama-yakka vaziyatga chiqib bordi va Yassin Bununing oyoqlari orasidan gol urdi. 79-daqiqada Markos Leonardo Milinkovich-Savichning uzatmasidan so‘ng to‘pni Ne’matovning ustidan tushirib qo‘ydi va jamoasiga 3 ochko keltirgan gol muallifi bo‘ldi.
"Al-Hilol" 6 ochko bilan turnir jadvalida peshqadamlikni qo‘lga oldi. "Nasaf" so‘nggi o‘rinda (0 ochko).
Elit OCHL, 2-tur
29.09.2025, dushanba, 18:45
Nasaf - Al-Hilol - 2:3
Gollar: 0:1 – 21, Sergey Milinkovich-Savich, 1:1 – 27, Sardor Bahromov (Umarbek Eshmurodov), 1:2 – 45+2, Teo Ernandes (Ali Al Bulayhi), 2:2 – 60, Javohir Sidiqov (Umarbek Eshmurodov), 2:3 – 79, Markos Almeyda (Sergey Milinkovich-Savich)
Nasaf: Abduvohid Ne’matov, G‘olib G‘aybullayev, Zafarmurod Abdirahmatov (Suhrob Nurulloyev, 67), Sharof Muhitdinov (Dragan Cheran, 46), Husayn Norchayev, Igor Golban (Javohir Sidiqov, 46 (Javohir Ubaydullayev, 73), Sardorbek Bahromov, Shuhrat Muhammadiyev, Sherzod Nasrullayev, Oybek Bozorov, Umarbek Eshmurodov
Al-Hilol: Yassin Bunu, Kalidu Kulibali, Ali Al Bulayhi (Kayo Sezar Lima, 72), Ruben Nevesh, Markos Almeyda (Abdullah Radif, 90+1), Teo Ernandes, Sergey Milinkovich-Savich, Muhammad Kanno (Nasser Al Davsari, 85), Hasan Al Tambakti, Hamad Al Tuhayfan, Abdulloh Al Hamddan (Muhammad Al Yami, 85)
