Yangi "Kamp Nou"da ayollar jamoasi uchun alohida kiyinish xonasi bo‘ladi.
Avvalroq "Barselona" prezidenti Joan Laporta stadion o‘yinlarni qabul qilishga tayyorligini, faqatgina shahar kengashidan ruxsat olish qolganini aytgandi.
Ayollar jamoasi sport direktori Mark Vivesning aytishicha, klub yangi stadionda "Barsa" ayollar jamoasi ishtirokini ta’minlamoqchi.
"Bizning o‘z kiyinish xonamiz ham bo‘ladi, shuning uchun klub bu jamoani qo‘llab-quvvatlashda davom etishi aniq," - deya ta’kidladi Vives.
U hozirgi moliyaviy holat haqida gapirar ekan, "blaugrana" hech qachon eng ko‘p maosh oladigan klubga aylanmasligini, ammo "futbolchilar kelishni istaydigan klub" bo‘lib qolayotganini ham qo‘shimcha qildi.
