Янги "Камп Ноу"да аёллар жамоаси учун алоҳида кийиниш хонаси бўлади.
Аввалроқ "Барселона" президенти Жоан Лапорта стадион ўйинларни қабул қилишга тайёрлигини, фақатгина шаҳар кенгашидан рухсат олиш қолганини айтганди.
Аёллар жамоаси спорт директори Марк Вивеснинг айтишича, клуб янги стадионда "Барса" аёллар жамоаси иштирокини таъминламоқчи.
"Бизнинг ўз кийиниш хонамиз ҳам бўлади, шунинг учун клуб бу жамоани қўллаб-қувватлашда давом этиши аниқ," - дея таъкидлади Вивес.
У ҳозирги молиявий ҳолат ҳақида гапирар экан, "блауграна" ҳеч қачон энг кўп маош оладиган клубга айланмаслигини, аммо "футболчилар келишни истайдиган клуб" бўлиб қолаётганини ҳам қўшимча қилди.
