Markaziy himoyachi Vilyam Saliba Londonning "Arsenal" klubi bilan yangi mehnat shartnomasini imzoladi. Bu haqda klub matbuot xizmati xabar bermoqda.
24 yoshli fransiyalik futbolchi va "kanonirlar" o‘rtasidagi yangi shartnoma 2030 yilning yarmigacha mo‘ljallangan. Himoyachining ingliz top-klubi bilan avvalgi shartnomasi 2027 yilning iyun oyi oxirida yakuniga yetar edi. Transfermarkt ekspertlari bahosiga ko‘ra, Salibaning bozor narxi 80 million yevroni tashkil etadi.
Angliya Premyer-ligasining joriy mavsumida Vilyam beshta o‘yinda ishtirok etdi. Ortda qolgan 6 turdan so‘ng "kanonirlar" chempionat turnir jadvalida 2-o‘rinni egallab turibdi.













