"Manchester Yunayted" Angliya chempionati turnir jadvalida atigi 14-o‘rinda bormoqda. Albatta, Ruben Amorim jiddiy bosim ostida. Qaysidir bosqichda "qizil iblislar" bosslari portugaliyalik bilan xayrlashishi ham ehtimoldan xoli emas.
Transfer News Live nashrining jurnalist Aleks Krukka tayanib xabar berishicha, Amorim iste’foga chiqarilsa, "Manchester Yunayted" ingliz futbolida tajribaga ega yangi bosh murabbiyni tanlashni ma’qul ko‘radi.
Shu tariqa, Xavi nomzodi "Manchester Yunayted" uchun ustuvor bo‘lmaydi. Avvalroq Xavi "Old Trafford"ga ishga o‘tishga tayyorligi haqida xabarlar tarqalgan edi.













