30 sentyabrdan 1 oktyabrga o‘tar kechasi (Toshkent vaqti bilan) Florida shtati, Fort-Loderdeyl shahrida joylashgan «DRV PNK Stadium» maydonida AQSH MLS chempionati doimiy musobaqasi doirasida «Inter Mayami» va «Chikago Fayr» jamoalari o‘rtasida bahs bo‘lib o‘tdi. Uchrashuv mehmonlar foydasiga 5:3 hisobida tugadi.

Birinchi taymda «Chikago» ikki gol ustunlikka ega bo‘ldi: 11-daqiqada d’Avilya, 31-daqiqada esa Jonatan Din o‘z jamoasi nomidan hisobni ochdi. 39-daqiqada «Inter Mayami» himoyachisi Tomas Aviles jamoasining ilk goliga mualliflik qildi, ammo orqali uch daqiqada Rominig Kuame hisobdagi farqni yana 2ta golga keltirdi.

Ikkinchi taymda maydon egalari urugvaylik hujumchi Luis Suaresning 57 va 74-daqiqalarda kiritgan to‘plari hisobiga hisobni tenglashtirishdi. Biroq 80-daqiqada Jastin Reynolds «Chikago»ni yana oldinga olib chiqdi. Ortidan 83-daqiqada Brayan Gutyerres yakuniy hisobni o‘rnatdi.

«Inter Mayami»ning argentinalik yulduzi Lionel Messi to‘liq o‘yin o‘tkazdi, ammo gol yoki assist bilan ajralib turmadi.

AQSH — Major League Soccer (MLS)
01 oktyabr 2025 yil, chorshanba. 02:30 (Toshkent vaqti)
Inter Mayami (Mayami) — Chikago Fayr (Chikago) 3:5
Gollar: 0:1 Davilla (11'), 0:2 Din (31'), 1:2 Aviles (39'), 1:3 Kuame (43'), 2:3 Suares (57'), 3:3 Suares (74'), 3:4 Reynolds (80'), 3:5 Gutyerres (83')