Madridning "Real" klubi va Angliya milliy jamoasi yarim himoyachisi Jud Bellingem milliy jamoaning 2024/2025 yilgi mavsum yakunlari bo‘yicha eng yaxshi futbolchisi deb topildi. Bu haqda Angliya terma jamoalari saytida ma’lum qilindi.

Futbolchi muxlislar ovozi natijalariga ko‘ra mukofot oldi. Ikkinchi o‘rinni "Arsenal" yarim himoyachisi Deklan Rays, uchinchi o‘rinni "Bavariya" hujumchisi Xarri Keyn egalladi.

Bellingem APL vakili bo‘lmagan klub vakili sifatida ushbu sovrinni qo‘lga kiritgan ikkinchi futbolchi bo‘ldi. Buni ilk bor 2006 yilda "Bavariya" a’zosi Ouen Xargrivz amalga oshirgan.

O‘tgan mavsumda 22 yoshli Bellingem Angliya milliy jamoasi safida 8 ta o‘yinda maydonga tushib, 1 ta gol va 3 ta golli uzatmaga mualliflik qilgan.