"Nyukasl" bosh murabbiyi Eddi Xau jamoa himoyachisi Tino Livramento jarohati haqida gapirdi.
Mutaxassisning ta’kidlashicha, 22 yoshli himoyachi jarohat tufayli ikki oyga safdan chiqqan.
"Livramentoning tiklanishiga sakkiz hafta ketadi. Bu davrda o‘tkazadigan o‘yinlarimiz sonini inobatga olsak, biz uchun jiddiy zarba. Uning bog‘lamlari shikastlangan," - deya Xauning so‘zlarini keltiradi jurnalist Fabrisio Romano.
Bu mavsumda Livramento barcha turnirlarda 8 ta uchrashuvda maydonga tushdi va 1 ta golli uzatmani amalga oshirdi.
5 oktyabr kuni APLning 7-turi doirasida "Nyukasl" o‘z maydonida "Nottingem Forest"ga qarshi bahs olib boradi.
