"Ньюкасл" бош мураббийи Эдди Хау жамоа ҳимоячиси Тино Ливраменто жароҳати ҳақида гапирди.

Мутахассиснинг таъкидлашича, 22 ёшли ҳимоячи жароҳат туфайли икки ойга сафдан чиққан.

"Ливраментонинг тикланишига саккиз ҳафта кетади. Бу даврда ўтказадиган ўйинларимиз сонини инобатга олсак, биз учун жиддий зарба. Унинг боғламлари шикастланган," - дея Хаунинг сўзларини келтиради журналист Фабрицио Романо.

Бу мавсумда Ливраменто барча турнирларда 8 та учрашувда майдонга тушди ва 1 та голли узатмани амалга оширди.

5 октябрь куни АПЛнинг 7-тури доирасида "Ньюкасл" ўз майдонида "Ноттингем Форест"га қарши баҳс олиб боради.