"Manchester Yunayted" yoshlar jamoasida murabbiy bo‘lib ishlayotgan sobiq yarim himoyachi Darren Fletcher vaqtincha asosiy tarkibni boshqarishi mumkin.
Taxminlarga ko‘ra, "qizil iblislar" yaqin kelajakda Ruben Amorimni iste’foga chiqarmaydi, ammo natijalar yaxshilanmasa, klub portugaliyalikka o‘rinbosar topishi kerak bo‘ladi. Sun Sport xabariga ko‘ra, uning vazifasini vaqtincha bajaruvchi lavozimini Fletcher egallashi mumkin. "Yunayted" rahbariyati 41 yoshli shotlandiyalikning mehnat etikasidan hayratda, shuning uchun agar ular Amorim bilan xayrlashsa, uning nomzodini ko‘rib chiqadi.
Darren Fletcher futbolchi sifatida 2000 yildan 2015 yilgacha mankunianliklar tizimida bo‘lgan. 2020 yilning kuzida, futbolchilik faoliyatini yakunlaganidan ko‘p o‘tmay, sobiq yarim himoyachi klubga qaytib, yoshlar akademiyasida murabbiylik lavozimini egalladi.
