"Манчестер Юнайтед" ёшлар жамоасида мураббий бўлиб ишлаётган собиқ ярим ҳимоячи Даррен Флетчер вақтинча асосий таркибни бошқариши мумкин.
Тахминларга кўра, "қизил иблислар" яқин келажакда Рубен Аморимни истеъфога чиқармайди, аммо натижалар яхшиланмаса, клуб португалияликка ўринбосар топиши керак бўлади. Sun Sport хабарига кўра, унинг вазифасини вақтинча бажарувчи лавозимини Флетчер эгаллаши мумкин. "Юнайтед" раҳбарияти 41 ёшли шотландияликнинг меҳнат этикасидан ҳайратда, шунинг учун агар улар Аморим билан хайрлашса, унинг номзодини кўриб чиқади.
Даррен Флетчер футболчи сифатида 2000 йилдан 2015 йилгача манкунианликлар тизимида бўлган. 2020 йилнинг кузида, футболчилик фаолиятини якунлаганидан кўп ўтмай, собиқ ярим ҳимоячи клубга қайтиб, ёшлар академиясида мураббийлик лавозимини эгаллади.
