Ispaniya chempionatining 8-turida "Real" o‘z maydonida "Vilyarreal"ni mag‘lub etdi - 3:1.
Mezbonlar safida Vinisius Junior 2 ta gol urgan bo‘lsa, yana bir gol Kilian Mbappe hisobiga yozildi. Mehmonlar safida Jorj Mikautadze o‘z nomini tabloga yozdirib qo‘ydi.
"Vilyarreal" o‘yinni bir kishi kam bo‘lib yakunladi: 77-daqiqada jamoa himoyachisi Santyago Mourinyo maydondan chetlatildi.
"Real" 8 o‘yinda 21 ochko to‘plab, La Liga turnir jadvalida birinchi o‘ringa ko‘tarilib oldi. Ikkinchi o‘rinda 7 o‘yinda 19 ochko to‘plagan "Barselona" bormoqda. Kataloniyaliklar 8-turni 5 oktyabr, yakshanba kuni "Sevilya"ga qarshi o‘tkazadi. "Vilyarreal" 16 ochko bilan uchinchi o‘rinda bormoqda.
Keyingi turda "Real" safarda "Xetafe" mehmoni bo‘lsa, "Vilyarreal" o‘z maydonida "Betis"ni qabul qiladi.
La Liga, 8-tur
04.10.2025, shanba, 23:59
Real - Vilyarreal - 3:1
Gollar: Vinisius Junior, 47 (1:0). Vinisius Junior, 69 - penaltidan (2:0). Mikautadze, 73 (2:1). Mbappe, 81 (3:1)
Real: Kurtua, Eder Militau, Xeysen, Karreras, Valverde, Tchuameni, Sebalyos (Bellingem, 64), Arda Gyuler (Kamavinga, 64), Vinisius Junior, Mastantuono (Dias, 75), Mbappe (Rodrigu, 83)
Vilyarreal: Tenas, Marin, Veyga, Kardona, Mourinyo, Komesanya (Parexo, 86), Partey, Gey (Pedrasa, 73), Byukenen (Mikautadze, 46), Moleyro (Pepe, 46), Oluvaseyi (Altimira, 82)
Ogohlantirishlar: Tchuameni, 33. Mastantuono, 45 - Kardona, 12. Mourinyo, 21. Gey, 69
Chetlatish: Mourinyo, 77 (ikkinchi sariq kartochka)
