Испания чемпионатининг 8-турида "Реал" ўз майдонида "Вильярреал"ни мағлуб этди - 3:1.
Мезбонлар сафида Винисиус Жуниор 2 та гол урган бўлса, яна бир гол Килиан Мбаппе ҳисобига ёзилди. Меҳмонлар сафида Жорж Микаутадзе ўз номини таблога ёздириб қўйди.
"Вильярреал" ўйинни бир киши кам бўлиб якунлади: 77-дақиқада жамоа ҳимоячиси Сантьяго Моуриньо майдондан четлатилди.
"Реал" 8 ўйинда 21 очко тўплаб, Ла Лига турнир жадвалида биринчи ўринга кўтарилиб олди. Иккинчи ўринда 7 ўйинда 19 очко тўплаган "Барселона" бормоқда. Каталонияликлар 8-турни 5 октябрь, якшанба куни "Севилья"га қарши ўтказади. "Вильярреал" 16 очко билан учинчи ўринда бормоқда.
Кейинги турда "Реал" сафарда "Хетафе" меҳмони бўлса, "Вильярреал" ўз майдонида "Бетис"ни қабул қилади.
Ла Лига, 8-тур
04.10.2025, шанба, 23:59
Реал - Вильярреал - 3:1
Голлар: Винисиус Жуниор, 47 (1:0). Винисиус Жуниор, 69 - пенальтидан (2:0). Микаутадзе, 73 (2:1). Мбаппе, 81 (3:1)
Реал: Куртуа, Эдер Милитау, Хейсен, Каррерас, Вальверде, Тчуамени, Себальос (Беллингем, 64), Арда Гюлер (Камавинга, 64), Винисиус Жуниор, Мастантуоно (Диас, 75), Мбаппе (Родригу, 83)
Вильярреал: Тенас, Марин, Вейга, Кардона, Моуриньо, Комесанья (Парехо, 86), Партей, Гей (Педраса, 73), Бьюкенен (Микаутадзе, 46), Молейро (Пепе, 46), Олувасейи (Альтимира, 82)
Огоҳлантиришлар: Тчуамени, 33. Мастантуоно, 45 - Кардона, 12. Моуриньо, 21. Гей, 69
Четлатиш: Моуриньо, 77 (иккинчи сариқ карточка)
