"Bavariya" darvozaboni Manuel Noyer jamoaning joriy mavsumdagi o‘yinini yuqori baholadi. Myunxenliklar mavsumning dastlabki o‘nta o‘yinida o‘nta g‘alabaga erishdi. Germaniyaning amaldagi chempioni shanba kuni Frankfurtning "Ayntraxt" klubini yirik hisobda mag‘lub etdi - 3:0.
"Hozirgi "Bavariya" mening davrimdagi eng yaxshi jamoalardan biri hisoblanadimi? Ha, albatta. Har bir o‘yinchi nima qilish kerakligini biladi, har birining o‘z vazifasi bor. Biz maydonda ajoyib hamkorlik qilamiz, bir-birimizga yordam beramiz, hammasi ajoyib ishlamoqda", - deya intervyu berdi 39 yoshli darvozabon.
Manuel Noyer "Bavariya" safida 2011 yildan buyon to‘p tepib kelmoqda.
