"Manchester Siti" klubi va Ispaniya terma jamoasi yarim himoyachisi Rodri yangi jarohati tufayli terma jamoaning yaqinlashib kelayotgan o‘yinlarini o‘tkazib yuboradi.
Eslatib o‘tamiz, turli hisob-kitoblarga ko‘ra, futbolchi uch hafta yoki undan ko‘proq vaqtni o‘tkazib yuborishi mumkin, ammo uning o‘zi ertaroq qaytishni rejalashtirmoqda.
"Ikki hafta ichida qaytib, "Everton" bilan o‘ynashga tayyor bo‘lishga umid qilaman," - deya futbolchining so‘zlarini keltiradi Fabrisio Romano.
APLning 7-turidan o‘rin olgan "Brentford"ga qarshi o‘yinda Rodri maydonda atigi 22 daqiqa harakat qildi, shundan so‘ng u Nikolas Gonsalesga almashtirildi.
"Everton"ga qarshi bahs 18 oktyabr kuni "shaharliklar"ning o‘z maydonida bo‘lib o‘tadi. Terma jamoalar o‘rtasidagi tanaffusda Ispaniya 11 oktyabr kuni Gruziya, 14 oktyabr kuni Bolgariya bilan o‘ynaydi.
