UYEFA rahbari Aleksandr Cheferin milliy ligalarning xorijdagi o‘yinlari haqida fikr bildirdi.
Bugun Yevropa futbol assosiasiyalari ittifoqi istisno tariqasida La Liga va A Seriya o‘yinlarini Ispaniya va Italiyadan tashqarida o‘tkazishga ruxsat berdi. Shu tariqa, "Vilyarreal" va "Barselona" AQSHning Mayami shahrida, "Milan" va "Komo" esa Avstraliyaning Pert shahrida o‘yin o‘tkazishi mumkin bo‘ladi.
"Liga o‘yinlari o‘z vatanida o‘tkazilishi shart. Boshqa har qanday qaror o‘yinlarga keladigan sodiq muxlislarni ovoz berish huquqidan mahrum etadi va musobaqaning adolatli kechishiga putur yetkazishi mumkin. Biz o‘tkazgan maslahatlashuvlar bu xavotirlar naqadar jiddiy ekanligini tasdiqladi.
Garchi bu o‘yinlarni [chet elda] o‘tkazishga ruxsat berishga majbur bo‘lganimiz achinarli bo‘lsa-da, bu qaror faqat istisno tariqasida qabul qilingan va uni presedent sifatida ko‘rmaslik lozim.
Bizning maqsadimiz aniq: milliy ligalarning yaxlitligini himoya qilish va futbolning o‘z tabiiy muhitida qolishini ta’minlash," - dedi Cheferin.
