Rodrigo "Barselona"ning kuchi haqida gapirdi.
O‘tgan mavsumda Kataloniya klubi "Real"ni to‘rt marta mag‘lub etdi. Jamoalar joriy mavsumda ilk bor 26 oktyabr kuni La Liga o‘yinida to‘qnash kelishadi.
- O‘tgan mavsumni unutgan ma’qul. Bilamizki, biz yuqori darajada emasdik, ayniqsa klasikolarda. Ularga qarshi o‘ynash biz uchun noqulay edi.
Biz o‘tgan mavsumda to‘rtta klasikoda ham yutqazdik. Tan olish kerak, ular hozir ham yaxshiroq o‘ynashmoqda, ularning jamoasi yaxshiroq, o‘zlariga ishonchlari ko‘proq. Lekin bizda ham ajoyib jamoa bor.
Og‘ir o‘yin bo‘ladi, ammo muxlislarimiz qarshisida "Santyago Bernabeu"da o‘ynaymiz. Nimaga qodir ekanligimizni ko‘rsatishimiz, nima bo‘lishidan qat’i nazar, ularni yengish uchun hamma narsani qilishimiz kerak. Biz uyda o‘ynaymiz.
- 26 oktyabr kuni "Barsa"ni mag‘lub etib, gol urishingizni tasavvur qila olasizmi?
- "Real" bilan shartnoma imzolagan har bir kishi Chempionlar Ligasida g‘alaba qozonish va "Barsa" darvozasiga hal qiluvchi golni urish haqida o‘ylaydi. Bunga umid qilaman", - dedi "Real" vingeri Rodrigo.
