Ayni paytda "Yuventus" sharafini himoya qilayotgan serbiyalik hujumchi Dushan Vlaxovich "Bavariya"ga o‘tish variantini ijobiy baholamoqda. Bu haqda Bild xabar bermoqda.
Manbaga ko‘ra, myunxenliklar klubi vakillari ushbu transfer bo‘yicha dastlabki muzokaralarni o‘tkazib bo‘lishgan. 25 yoshli futbolchining "keksa sinyora" bilan amaldagi kelishuvi yaqin yozda o‘z nihoyasiga yetadi.
Joriy mavsumda Vlaxovich barcha turnirlarda 8 ta o‘yinda maydonga tushib, 4 ta gol urdi va 1 ta golli uzatmani amalga oshirdi. Avvalroq, narxi 35 million yevroga baholanayotgan futbolchining xizmatlariga Madridning "Atletiko" klubi ham qiziqish bildirayotgani haqida xabarlar tarqalgan edi.
