Айни пайтда "Ювентус" шарафини ҳимоя қилаётган сербиялик ҳужумчи Душан Влахович "Бавария"га ўтиш вариантини ижобий баҳоламоқда. Бу ҳақда Bild хабар бермоқда.
Манбага кўра, мюнхенликлар клуби вакиллари ушбу трансфер бўйича дастлабки музокараларни ўтказиб бўлишган. 25 ёшли футболчининг "кекса синьора" билан амалдаги келишуви яқин ёзда ўз ниҳоясига етади.
Жорий мавсумда Влахович барча турнирларда 8 та ўйинда майдонга тушиб, 4 та гол урди ва 1 та голли узатмани амалга оширди. Аввалроқ, нархи 35 миллион еврога баҳоланаётган футболчининг хизматларига Мадриднинг "Атлетико" клуби ҳам қизиқиш билдираётгани ҳақида хабарлар тарқалган эди.
