Yozda Migel Anxel Russo Argentinaning "Boka Xuniors" klubiga yangi murabbiy bo‘lgani haqida xabar bergan edik, ammo hozir vaziyat keskin tus oldi. Gap shundaki, 69 yoshni qarshilagan mutaxassisning salomatligida jiddiy muammolar borligi aniqlangan. Russo kasalxonaga yotqizilgan va shifokorlar uning sog‘ayishi haqidagi bashoratlarida juda ehtiyotkor bo‘lishmoqda.
"Biz shifokorlar va Migel bilan doimiy aloqadamiz. U klubda nima bo‘layotganidan xabardor. Uning tezroq sog‘ayib ketishini tilaymiz," - deyiladi klub matbuot xizmati xabarida.
Hozirda "Boka Xuniors" Argentina chempionati turnir jadvalida birinchi o‘rinni egallab turibdi.













