Ёзда Мигель Анхел Руссо Аргентинанинг "Бока Хуниорс" клубига янги мураббий бўлгани ҳақида хабар берган эдик, аммо ҳозир вазият кескин тус олди. Гап шундаки, 69 ёшни қаршилаган мутахассиснинг саломатлигида жиддий муаммолар борлиги аниқланган. Руссо касалхонага ётқизилган ва шифокорлар унинг соғайиши ҳақидаги башоратларида жуда эҳтиёткор бўлишмоқда.
"Биз шифокорлар ва Мигел билан доимий алоқадамиз. У клубда нима бўлаётганидан хабардор. Унинг тезроқ соғайиб кетишини тилаймиз," - дейилади клуб матбуот хизмати хабарида.
Ҳозирда "Бока Хуниорс" Аргентина чемпионати турнир жадвалида биринчи ўринни эгаллаб турибди.
