"Napoli" bosh murabbiyi Antonio Konte A Seriya 6-turidan o‘rin olgan "Jenoa"ga (2:1) qarshi bahsdan so‘ng, daniyalik hujumchi Rasmus Xyoylundning o‘yini haqida gapirdi.
"U 22 yoshda va "Manchester Yunayted"da deyarli o‘yin amaliyoti olmagan. Unda takomillashish uchun ulkan imkoniyat bor, u ishlashi kerak, chunki unda yulduz bo‘lish imkoniyati bor va u buni isbotlamoqda," - deya Kontening so‘zlarini keltiradi Goal.com.
"Manchester Yunayted"dan ijaraga olingan daniyalik hujumchi Italiyaning amaldagi chempioni safida 6 ta o‘yinda 4 ta gol urdi. Angliyada o‘tgan mavsumda u barcha musobaqalarda 52 ta uchrashuvda 10 ta gol urgandi.
