Krishtianu Ronaldu birinchi milliarder futbolchiga aylandi, deya xabar berdi Bloomberg.
Agentlikning Billionaires Index ko‘rsatkichiga ko‘ra, sportchining boyligi 1,4 milliard dollarga yetgan.
"Ronaldu 20 yildan ortiq vaqtdan beri davom etayotgan faoliyati davomida Armani va Nike kabi yirik brendlar bilan hamkorlik qilgan. Biroq aynan hozir, “futbolchilik faoliyatining so‘nggi bosqichida” 40 yoshli portugaliyalik eng boy sportchilar qatoriga kirdi", deyiladi Bloomberg xabarida.
Iyun oyida Ronaldu Saudiya Arabistonining “An-Nasr” klubi bilan 400 million dollarlik yangi shartnoma imzolagan edi.













