Криштиану Роналду биринчи миллиардер футболчига айланди, дея хабар берди Bloomberg.
Агентликнинг Billionaires Index кўрсаткичига кўра, спортчининг бойлиги 1,4 миллиард долларга етган.
"Роналду 20 йилдан ортиқ вақтдан бери давом этаётган фаолияти давомида Аrmani ва Nike каби йирик брендлар билан ҳамкорлик қилган. Бироқ айнан ҳозир, “футболчилик фаолиятининг сўнгги босқичида” 40 ёшли португалиялик энг бой спортчилар қаторига кирди", дейилади Bloomberg хабарида.
Июнь ойида Роналду Саудия Арабистонининг “Ан-Наср” клуби билан 400 миллион долларлик янги шартнома имзолаган эди.
