"Napoli" asosiy tarkibning ikki futbolchisini yo‘qotdi - yaqin orada jamoaga markaziy yarim himoyachi Stanislav Lobotka va hujumchi Matteo Politano yordam bera olmaydi. Bu haqda Italiya klubi saytida ma’lumot paydo bo‘ldi.
"Jenoa" bilan o‘yindan keyin har ikki futbolchi mushaklaridagi noqulaylikdan shikoyat qildi. "Napoli" tibbiy shtabi Lobotkaga sonning yaqinlashtiruvchi mushagi shikastlanganini aniqladi. Politano esa dumba mushaklarining cho‘zilishidan aziyat chekmoqda. Futbolchilarning tiklanish muddatlariga hozircha aniqlik kiritilmagan.
Stanislav Lobotka joriy mavsum 8 ta o‘yinda maydonga tushdi va 1 ta golli uzatmani amalga oshirdi. Politano ham sakkizta o‘yinda bitta golli uzatmani o‘z hisobiga yozib qo‘ygan.
A Seriyaning 6 turidan so‘ng "Napoli" 15 ochko bilan musobaqa jadvalida peshqadamlik qilmoqda.
