"Наполи" асосий таркибнинг икки футболчисини йўқотди - яқин орада жамоага марказий ярим ҳимоячи Станислав Лоботка ва ҳужумчи Маттео Политано ёрдам бера олмайди. Бу ҳақда Италия клуби сайтида маълумот пайдо бўлди.
"Женоа" билан ўйиндан кейин ҳар икки футболчи мушакларидаги ноқулайликдан шикоят қилди. "Наполи" тиббий штаби Лоботкага соннинг яқинлаштирувчи мушаги шикастланганини аниқлади. Политано эса думба мушакларининг чўзилишидан азият чекмоқда. Футболчиларнинг тикланиш муддатларига ҳозирча аниқлик киритилмаган.
Станислав Лоботка жорий мавсум 8 та ўйинда майдонга тушди ва 1 та голли узатмани амалга оширди. Политано ҳам саккизта ўйинда битта голли узатмани ўз ҳисобига ёзиб қўйган.
А Сериянинг 6 туридан сўнг "Наполи" 15 очко билан мусобақа жадвалида пешқадамлик қилмоқда.
