"Barselona" prezidenti Joan Laporta jamoaning "Kamp Nou" stadioniga qaytishi bilan bog‘liq vaziyatga izoh berdi. Avvalroq, kataloniyaliklar 45 ming o‘rinni to‘ldirishga ruxsat olgach, yangilangan arenaga qaytishi xabar qilingandi.
"Hammasi meriyaga bog‘liq, biz barcha kerakli talablarni bajaramiz. Jarayon davom etmoqda, ammo biz o‘yinni qayerda o‘tkazishni hal qilish uchun so‘nggi daqiqagacha cho‘za olmaymiz. Kerak bo‘lgan hamma narsani to‘g‘rilayapmiz: stadion allaqachon tayyor", - dedi Laporta El Chiringuito nashriga bergan intervyusida.
Bir necha kun oldin "Barselona" 18 oktyabr kuni "Jirona"ga qarshi uy uchrashuvini Olimpiya stadionida o‘tkazishini e’lon qilgandi.
