"Барселона" президенти Жоан Лапорта жамоанинг "Камп Ноу" стадионига қайтиши билан боғлиқ вазиятга изоҳ берди. Аввалроқ, каталонияликлар 45 минг ўринни тўлдиришга рухсат олгач, янгиланган аренага қайтиши хабар қилинганди.
"Ҳаммаси мерияга боғлиқ, биз барча керакли талабларни бажарамиз. Жараён давом этмоқда, аммо биз ўйинни қаерда ўтказишни ҳал қилиш учун сўнгги дақиқагача чўза олмаймиз. Керак бўлган ҳамма нарсани тўғрилаяпмиз: стадион аллақачон тайёр", - деди Лапорта El Chiringuito нашрига берган интервьюсида.
Бир неча кун олдин "Барселона" 18 октябрь куни "Жирона"га қарши уй учрашувини Олимпия стадионида ўтказишини эълон қилганди.
