Ispaniyada "Real" hujumchisi Vinisius Juniorning uyida yong‘in sodir bo‘ldi. Payshanba kuni ertalab soat 11 atrofida qutqaruv xizmatiga qo‘ng‘iroq bo‘ldi. Voqea joyiga ikki o‘t o‘chiruvchilar guruhi yetib borib, yong‘inni o‘rab olishga muvaffaq bo‘ldi.
Dastlabki ma’lumotlarga ko‘ra, yong‘inga saunaning osma shift qismidagi elektr simlarining nosozligi sabab bo‘lgan. Bu haqda Marca yozmoqda.
Tutun uyning ikki qavatini to‘ldirdi. Xayriyatki, jabrlanganlar yo‘q. Vinisius uyda yo‘q edi. Tushga yaqin o‘t o‘chiruvchilar o‘z ishlarini bajarib, hududni tark etishdi.
