Kilian Mbappe "Real"ning so‘nggi o‘yinida jarohat oldi, ammo Fransiya terma jamoasiga bordi va o‘yinlarga tayyorgarlik ko‘rmoqda. Mbappening so‘zlariga ko‘ra, "Real"da uning terma jamoaga borishi bo‘yicha savollar bo‘lmagan.
"Bu har doim bo‘lgan, axir klublar futbolchilarga pul to‘laydi. Ammo futbolchilar uchun terma jamoa - bu eng muhimi, bu bebaho. "Real"da hech qanday muammo yo‘q edi. To‘pig‘imda biroz muammo bor edi, lekin o‘ynashni xohlayotganimni aytdim. Klub bunga qarshilik qilmadi", - dedi Mbappe matbuot anjumanida jurnalistlarga.
10 oktyabr, juma kuni Fransiya terma jamoasi JCH - 2026 saralashi doirasida Ozarbayjonni qabul qiladi.
