39 yoshli hujumchisi, hozirda «Lill» sharafini himoya qilayotgan Olivye Jiru, Fransiya terma jamoasiga ehtimoliy qaytishi haqida fikr bildirdi.
«Mening qaytish niyatim yo‘q. Menga katta sharaf nasib etgan. Meni qayta chaqirish uchun haqiqiy favqulodda holat bo‘lishi kerak. Hozir jamoada besh nafar hujumchi bor, murabbiy meni chaqirmayapti — u men bu sahifani yopganimni yaxshi tushunadi. Ammo agar o‘yin paytida yordam kerak bo‘lsa, mening uslubimda “yo‘q” deyish yo‘q, garchi faoliyatimni yakunlagani haqida e’lon qilgan bo‘lsam ham. Agar kerak bo‘lsa, men yordam berishim mumkin», — deya Jiruning so‘zlarini RMC Sport keltiradi.
Jiru Fransiya terma jamoasi safida 137 ta o‘yinda maydonga tushib, 57 ta gol urgan. U 2018 yilgi jahon chempioni, 2022 yilgi jahon chempionatida kumush, 2016 yilgi Yevropa chempionatida kumush va 2024 yilgi Yevropa chempionatida bronza medali sohibi hisoblanadi.













