Angliyaning "Kristal Pelas" klubi o‘z yarim himoyachisi Adam Uortonni "Real"ga qo‘yib yuborishi mumkin, ammo bir shart bilan.
Defensa Central xabariga ko‘ra, "burgutlar" Uortonga qiziqish bildirayotgan "qaymoqranglilar"ga futbolchilar almashinuvini amalga oshirishni taklif qilishga tayyor. Londonliklar hozirda "Komo" sharafini himoya qilayotgan Nikolas Pas evaziga xavbekni berishga tayyor. Eslatib o‘tamiz, "Real" Pasni 10 million yevroga qayta sotib olish huquqiga ega.
Joriy mavsumda 21 yoshli Uorton barcha musobaqalarda 10ta o‘yinda maydonga tushib, 1ta assistni o‘z hisobiga yozdirib qo‘ydi. Transfermarkt ekspertlari futbolchining narxini 45 million yevroga baholamoqda.













