Lionel Messi "Inter Mayami" o‘yinida ishtirok etish uchun Argentina terma jamoasi qarorgohini vaqtincha tark etishga qaror qilgani ma’lum bo‘ldi.
38 yoshli hujumchi argentinaliklarning Venesuelaga qarshi kechagi o‘rtoqlik uchrashuvida maydonga tushmadi, ammo MLSning "Atlanta Yunayted"ga qarshi bahsida ishtirok etdi va 2 ta gol urib, 1 ta assist berdi.
Inter Miami News Hub xabariga ko‘ra, Messining klub qarorgohiga qaytishi Jordi Alba bilan bog‘liq: Leo yaqinda faoliyatini yakunlayotganini e’lon qilgan jamoadoshi bilan xayrlashuv marosimida ishtirok etishni istagan.
Manbaning ta’kidlashicha, Messi Alba va Serxio Buskets bilan so‘nggi o‘yinlarni o‘tkazish imkoniyatini qadrlaydi. Eslatib o‘tamiz, 36 yoshli xavbek yil oxirida butsalarini mixga iladi.













