Jahon chempionati - 2026 saralash bosqichi doirasida Italiya terma jamoasi safarda Estoniya terma jamoasini 3:1 hisobida mag‘lub etdi. Bu haqda "skuadra adzurra" yarim himoyachisi Sandro Tonali o‘z fikrlarini bildirib o‘tdi.
"G‘alaba bizga o‘z kuchimizga bo‘lgan ishonchni oshiradi. Raqibga hurmat bilan munosabatda bo‘ldik, ammo o‘z futbolimizni ko‘rsatdik. Terma jamoamiz hisobiga 3 ochko yozdirib qo‘yish niyatida edik," - deya xavbekning so‘zlarini keltiradi Sky Sport Italia.
Mehmondagi muvaffaqiyatdan so‘ng "skuadra adzurra" 12 ochko jamg‘arib, o‘z guruhida 2-o‘rinni egallab turibdi. Navbatdagi bahsda Jennaro Gattuzo shogirdlari Isroil terma jamoasini qabul qiladi.













