Жаҳон чемпионати - 2026 саралаш босқичи доирасида Италия терма жамоаси сафарда Эстония терма жамоасини 3:1 ҳисобида мағлуб этди. Бу ҳақда "скуадра адзурра" ярим ҳимоячиси Сандро Тонали ўз фикрларини билдириб ўтди.
"Ғалаба бизга ўз кучимизга бўлган ишончни оширади. Рақибга ҳурмат билан муносабатда бўлдик, аммо ўз футболимизни кўрсатдик. Терма жамоамиз ҳисобига 3 очко ёздириб қўйиш ниятида эдик," - дея хавбекнинг сўзларини келтиради Sky Sport Italia.
Меҳмондаги муваффақиятдан сўнг "скуадра адзурра" 12 очко жамғариб, ўз гуруҳида 2-ўринни эгаллаб турибди. Навбатдаги баҳсда Женнаро Гаттузо шогирдлари Исроил терма жамоасини қабул қилади.
