«Milan»ning sobiq hujumchisi va hozirda klub egalarining maslahatchisi sifatida faoliyat yuritayotgan Zlatan Ibrahimovich 40 yoshli Luka Modrichning jamoaga qo‘shayotgan hissasi haqida fikr bildirdi.

«Luka — bu shunchaki futbolchi emas. U — futbolning o‘zi. U futbol o‘ynamaydi, u futbolni ifodalaydi. Biz turlichamiz: u maydonda yetakchi, lekin maydon tashqarisida tinchroq. Ammo aynan uning tajribasi “Milan”da yetishmayotgan bo‘g‘in edi. Hatto uning statistikasi ajoyib bo‘lmasa ham, jamoaga ta’siri ulkan.

U yigirma yildan beri eng yuqori darajada o‘ynab kelmoqda. Ba’zilar ikki mavsum yorqin o‘yin ko‘rsatsa, keyin yo‘qolib qoladi, boshqalar esa o‘n yillab cho‘qqida qoladi — ular chempionga aylanadi, hatto “Oltin to‘p”siz ham. Modrich ana shundaylardan biri, va u bugun biz bilan», — dedi Ibrahimovich jurnalist Janluka Di Marsio saytiga bergan intervyusida.

Eslatib o‘tamiz, xorvatiyalik yarim himoyachi Luka Modrich joriy yozda erkin agent sifatida «Milan» safini to‘ldirgan edi. 40 yoshli futbolchi joriy mavsumdagi Seriya Aning 6 ta o‘yinida 1 ta gol va 1 ta golli uzatma qayd etgan.