"Yuventus" qishki transferlar oynasi ochilishi bilanoq, yanvar oyida braziliyalik yosh forvard Endrik transferi bo‘yicha muzokaralarni davom ettirishni rejalashtirmoqda. Yozda turinliklar braziliyalik futbolchini o‘z safiga qo‘shib olishga urinib ko‘rgan, ammo muvaffaqiyatsizlikka uchragandi.
Calciomercato.com xabariga ko‘ra, "Real" iste’dodli hujumchini ijaraga berishga rozi bo‘lishi mumkin. Bir necha yil oldin Madrid klubi Endrikning "Palmeyras"dan transferi uchun 47,5 million yevro to‘lagandi, ammo braziliyalik futbolchi "qaymoqranglilar" safida o‘zini unchalik ko‘rsata olmadi.
Xabi Alonso murabbiylik kursisini egallagach, yosh hujumchi Madrid klubida bir daqiqa ham o‘ynamadi. Va "keksa sinyora" bu vaziyatdan foydalanib, o‘zining hujumkorlik salohiyatini oshirish niyatida.
