"Ювентус" қишки трансферлар ойнаси очилиши биланоқ, январь ойида бразилиялик ёш форвард Эндрик трансфери бўйича музокараларни давом эттиришни режалаштирмоқда. Ёзда туринликлар бразилиялик футболчини ўз сафига қўшиб олишга уриниб кўрган, аммо муваффақиятсизликка учраганди.
Calciomercato.com хабарига кўра, "Реал" истеъдодли ҳужумчини ижарага беришга рози бўлиши мумкин. Бир неча йил олдин Мадрид клуби Эндрикнинг "Палмейрас"дан трансфери учун 47,5 миллион евро тўлаганди, аммо бразилиялик футболчи "қаймоқранглилар" сафида ўзини унчалик кўрсата олмади.
Хаби Алонсо мураббийлик курсисини эгаллагач, ёш ҳужумчи Мадрид клубида бир дақиқа ҳам ўйнамади. Ва "кекса синьора" бу вазиятдан фойдаланиб, ўзининг ҳужумкорлик салоҳиятини ошириш ниятида.
