FIFA prezidenti Janni Infantino yangi g‘oyalar bilan porlamoqda. Unga qishki jahon chempionatining Qatarda o‘tkazilishi juda yoqdi va endi u mundialni har doim shunday o‘tkazish mumkin deb hisoblaydi.
"Ko‘p mamlakatlarda iyun va iyul oylari juda issiq bo‘ladi, biz bu haqda o‘ylab ko‘rishimiz kerak. Qatardagi tajriba menga yoqdi. Shubhasiz, yozda o‘ynash mumkin bo‘lmagan mamlakatlar bor, shuning uchun taqvimni o‘zgartirgan ma’qul", - deya Infantinoning so‘zlarini keltiradi derbyderbyderby.it.
Shuningdek, Infantino klublar o‘rtasidagi jahon chempionati ishtirokchilari ro‘yxatini 48 tagacha kengaytirishni taklif qilmoqda. Eslatib o‘tamiz, Janni Infantino 2016 yilda FIFA prezidenti etib saylangan edi.
