Dortmundning "Borussiya" klubi yarim himoyachisi Job Bellingem faoliyatini Angliya Premyer-ligasida davom ettirishi mumkin. Uning xizmatlariga "Manchester Yunayted" qiziqish bildirmoqda.
"Qizil iblislar" bosh murabbiyi Ruben Amorim 20 yoshli inglizning ashaddiy muxlisi hisoblanadi va Bellingem uning o‘yin tizimiga juda mos keladi, deb hisoblaydi. Futbolchining Dortmundni tark etishiga asosiy sabab sifatida o‘yin vaqtining kamligi ko‘rsatilmoqda.
Joriy mavsumda Bellingem 13 ta o‘yinda maydonga tushib, 1 ta gol urdi va 1 ta golli uzatmani amalga oshirdi. Uning "Borussiya" bilan shartnomasi 2030 yilning yozigacha mo‘ljallangan va uning bozor narxi 22 million yevroga baholanmoqda.













