Qozog‘iston yoshlar terma jamoasi bosh murabbiyi Denis Mamonov O‘zbekiston yoshlar terma jamoasiga qarshi o‘tkazilgan ikki o‘rtoqlik o‘yinidan so‘ng iste’foga chiqishini ma’lum qildi.

— Toshkentda biz O‘zbekiston jamoasiga qarshi ikkita o‘rtoqlik o‘yini o‘tkazdik. Shunday imkoniyat paydo bo‘lganida, ikki uchrashuvdan iborat formatni tanladik, chunki yigitlarimizga xalqaro tajriba jamg‘arish zarur edi. Shuningdek, tarkib kengligini ham sinab ko‘rish va barcha futbolchilarga o‘yin amaliyoti berishni ham xohladik.

Afsuski, ikki uchrashuv ham mag‘lub bo‘ldik. Andorraga qarshi alamli mag‘lubiyatdan so‘ng murabbiylar shtabi bu o‘yin futbolchilar kayfiyatiga jiddiy ta’sir qilganini his etdi.

O‘zbekistonga qarshi birinchi o‘yinda yigitlar Andorra bilan bo‘lgan o‘yin uchun reabilitasiya qilinish va muxlislarni xursand etish uchun ijobiy natijaga erishish lozimligini yaxshi bilishardi. Ammo afsuski, o‘yin oxirida gol o‘tkazib yubordik va 0:1 hisobida mag‘lub bo‘ldik.

Ikkinchi o‘yinda raqibga dastlabki daqiqalardanoq bosim o‘tkazishga harakat qildik va tez gol urdik, ammo uchrashuv davomida yaratilgan imkoniyatlardan foydalana olmaganimiz sababli yutqazdik.

Ikkinchi o‘yindan keyin kiyinish xonasida jamoaga yoshlar terma jamoasi bosh murabbiyligi lavozimini tark etishimni ma’lum qildim. Futbolchilarga ishga bo‘lgan munosabatlari uchun minnatdorchilik bildirdim, ularga Yevropa chempionati saralash bosqichida omad tiladim va jamoa bugungi vaziyatni tez orada tuzatishini tiladim, — dedi Mamonov.