Madridning "Real" klubi sobiq futbolchisi Mark Kukalon Nikolas Pasning o‘yinidan hayratda ekanini aytdi.

Ispaniyalik va argentinalik futbolchi "qaymoqranglilar" akademiyasida birga o‘ynagan.

"Pas nimasi bilandir Messiga o‘xshaydi. Mashg‘ulotlarda unga to‘p uzatganimni eslayman va u har safar to‘pni darvozaning yuqori burchagiga aniq yo‘llardi. U chap oyog‘ini juda yaxshi boshqaradi, o‘ng oyog‘ini ham juda yaxshi o‘ynaydi. U iqtidorli, aqlli, uning atrofida ajoyib muhit bor.

Nikoga eng yaxshi tilaklar tilayman. U ajoyib inson - shon-shuhrat va muvaffaqiyat uni zarracha ham o‘zgartirmadi. Kelajakda u "Real"ning asosiy futbolchisiga aylanishi mumkin," - dedi Kukalon intervyuda.

"Real" Pasni kelasi yozdayoq qaytarishi mumkin - klubda 20 yoshli hujumkor yarim himoyachini sotib olish huquqi ustuvor.