Мадриднинг "Реал" клуби собиқ футболчиси Марк Кукалон Николас Паснинг ўйинидан ҳайратда эканини айтди.
Испаниялик ва аргентиналик футболчи "қаймоқранглилар" академиясида бирга ўйнаган.
"Пас нимаси биландир Мессига ўхшайди. Машғулотларда унга тўп узатганимни эслайман ва у ҳар сафар тўпни дарвозанинг юқори бурчагига аниқ йўлларди. У чап оёғини жуда яхши бошқаради, ўнг оёғини ҳам жуда яхши ўйнайди. У иқтидорли, ақлли, унинг атрофида ажойиб муҳит бор.
Никога энг яхши тилаклар тилайман. У ажойиб инсон - шон-шуҳрат ва муваффақият уни заррача ҳам ўзгартирмади. Келажакда у "Реал"нинг асосий футболчисига айланиши мумкин," - деди Кукалон интервьюда.
"Реал" Пасни келаси ёздаёқ қайтариши мумкин - клубда 20 ёшли ҳужумкор ярим ҳимоячини сотиб олиш ҳуқуқи устувор.
