"Barselona" himoyachisi Erik Garsiya jamoadoshi Lamin Yamal haqidagi fikrlari bilan o‘rtoqlashdi.
Ispaniyalik 18 yoshli vingerga qarshi himoyalanish juda qiyin ekanini tan oldi va uni Lionel Messi bilan taqqosladi.
"Yamalni to‘xtatish juda, juda qiyin. U juda iste’dodli, unda juda ko‘p fazilatlar bor... Albatta, Messi - bu Messi, ammo Lamin uning ortidan ergashadi. O‘ylashimcha, ular o‘rtasida o‘xshashlik bor, garchi Yamalni Leoning aynan nusxasi deya olmasam-da," - dedi Garsiya OAV bilan suhbatda.
Lamin Yamal joriy mavsum boshidan buyon "Barselona" safida barcha musobaqalarda 5 ta o‘yinda 2 ta gol va 4 ta golli uzatmaga mualliflik qilgan.













