"Барселона" ҳимоячиси Эрик Гарсия жамоадоши Ламин Ямал ҳақидаги фикрлари билан ўртоқлашди.

Испаниялик 18 ёшли вингерга қарши ҳимояланиш жуда қийин эканини тан олди ва уни Лионель Месси билан таққослади.

"Ямални тўхтатиш жуда, жуда қийин. У жуда истеъдодли, унда жуда кўп фазилатлар бор... Албатта, Месси - бу Месси, аммо Ламин унинг ортидан эргашади. Ўйлашимча, улар ўртасида ўхшашлик бор, гарчи Ямални Леонинг айнан нусхаси дея олмасам-да," - деди Гарсия ОАВ билан суҳбатда.

Ламин Ямал жорий мавсум бошидан буён "Барселона" сафида барча мусобақаларда 5 та ўйинда 2 та гол ва 4 та голли узатмага муаллифлик қилган.