"Inter Mayami" hujumchisi Lionel Messi Argentina U-20 terma jamoasini yoshlar o‘rtasidagi jahon chempionati finaliga chiqqani bilan tabrikladi.
Yarim finalda argentinalik yoshlar kolumbiyalik tengdoshlarini mag‘lub etishdi - 1:0. Yagona golga Messining jamoadoshi, 19 yoshli vinger Mateo Silvetti mualliflik qildi.
"Biz finaldamiz! Barchangizni tabriklayman! Bravo, Mateo Silvetti," - deb yozadi 38 yoshli futbolchi ijtimoiy tarmoqdagi sahifasida.
Finalda Argentina yoshlar terma jamoasi Marokashga qarshi bahs olib boradi. Uchrashuv 20 oktyabr kuni bo‘lib o‘tadi.













