"Barselona" yarim himoyachisi Frenki de Yong klubdagi bosim haqida fikr bildirdi. Xavbek "ko‘k-anorranglilar" safida 2019 yildan buyon to‘p tepib kelmoqda, u Amsterdamning "Ayaks" klubidan jamoaga ko‘chib o‘tgan.
- "Barselona" - dunyodagi eng yirik klublardan biri. "Ayaks"da ham ma’lum bir bosim bor edi, ammo bu yerda u ancha kuchliroq seziladi," - dedi de Yong Marca nashriga.
Eslatib o‘tamiz, de Yongning xaridi "Barselona"ga 86 million yevroga tushgan edi. Bu mavsumda qimmatbaho xavbek barcha musobaqalarda 8 ta o‘yinda maydonga tushib, 1 ta golga assistentlik qildi.
Avvalroq, de Yong kataloniyaliklar bilan 2029 yilning yozigacha mo‘ljallangan yangi mehnat shartnomasini imzolagan edi.
