"Барселона" ярим ҳимоячиси Френки де Йонг клубдаги босим ҳақида фикр билдирди. Хавбек "кўк-анорранглилар" сафида 2019 йилдан буён тўп тепиб келмоқда, у Амстердамнинг "Аякс" клубидан жамоага кўчиб ўтган.

- "Барселона" - дунёдаги энг йирик клублардан бири. "Аякс"да ҳам маълум бир босим бор эди, аммо бу ерда у анча кучлироқ сезилади," - деди де Йонг Marca нашрига.

Эслатиб ўтамиз, де Йонгнинг хариди "Барселона"га 86 миллион еврога тушган эди. Бу мавсумда қимматбаҳо хавбек барча мусобақаларда 8 та ўйинда майдонга тушиб, 1 та голга ассистентлик қилди.

Аввалроқ, де Йонг каталонияликлар билан 2029 йилнинг ёзигача мўлжалланган янги меҳнат шартномасини имзолаган эди.