"Bavariya" qanot hujumchisi Serj Gnabri jamoada qolishni istamoqda. Bu haqda jurnalist Kristian Falk xabar bermoqda.
Manbaga ko‘ra, 30 yoshli futbolchi "Bavariya"da qolish uchun maoshining qisqarishiga rozi bo‘lishga tayyor. Gnabri klubda o‘zini o‘z uyidagidek his qilmoqda va agar klub unga murojaat qilsa, shartnomani uzaytirish masalasini bajonidil muhokama qiladi.
Gnabri "Bavariya" safida 2017 yildan buyon to‘p tepib kelmoqda. U joriy mavsum barcha musobaqalarda 10 ta o‘yinda maydonga tushib, 3 ta gol urdi va 4 ta golli uzatmani o‘z hisobiga yozdirib qo‘ydi.
Gnabri bilan nemis grandi o‘rtasidagi amaldagi mehnat shartnomasi kelasi yilning yozida tugaydi.
