"Бавария" қанот ҳужумчиси Серж Гнабри жамоада қолишни истамоқда. Бу ҳақда журналист Кристиан Фальк хабар бермоқда.

Манбага кўра, 30 ёшли футболчи "Бавария"да қолиш учун маошининг қисқаришига рози бўлишга тайёр. Гнабри клубда ўзини ўз уйидагидек ҳис қилмоқда ва агар клуб унга мурожаат қилса, шартномани узайтириш масаласини бажонидил муҳокама қилади.

Гнабри "Бавария" сафида 2017 йилдан буён тўп тепиб келмоқда. У жорий мавсум барча мусобақаларда 10 та ўйинда майдонга тушиб, 3 та гол урди ва 4 та голли узатмани ўз ҳисобига ёздириб қўйди.

Гнабри билан немис гранди ўртасидаги амалдаги меҳнат шартномаси келаси йилнинг ёзида тугайди.